Кышкы уеде агаар температуразынын батканы-биле ооредилге чорудуу
Кыштың чыккылама соок үезиниң келгени-биле, кажан даштын агаарның температуразы бада бергенде, Тыва Республиканың Өөредилге яамызы республиканың ниити билиг организацияларының өөреникчилериниң амыдыралынга болгаш кадыкшылынга айыыл чок чорукту тургузары-биле, республиканың школаларынга агаарның температуразы элээн бада бээрге, өөредилге чорудуун кышкы үеде дараазында температуралар болурга, кызыгаарлаар:
— казыыр 40 градус болза, 1-4 класстар;
— казыыр 41-42 градус турда, 1-9 класстар;
— казыыр 43 градус болза, 1-11 класстарның өөреникчилери школа барбас.
Демдеглеп каар чүүл – өөредилге чорудуун школа баарын уламчылап турар өөреникчилерге чорудары чүгле оларның ада-иезиниң азы хоойлу езугаар төлээлериниң бижимел чөпшээрели-биле чорудар.
Соок күштелип, агаар температуразы бада бээрге, ада-ие болгаш хоойлу езугаар төлээлерни Чаңгыс аай дежурный диспетчер албанының (ЕДДС) албан-езузу-биле дамчыткан агаар медээзин хайгаарап, уругларның кадыын камнаары-биле харыысалгалыг болурун дилеп тур бис. Дыңзыг соокта даштыгаа уруглар улуг улустуң хайгааралы чокка турбас ужурлуг.
Ажы-төлдүң болгаш бодуңарның кадыын камнап кадагалаңар!
Чурукту ажык интернет четкизинден алган.