Байыр чедириишкини

Эргим хүндүлүг коллективтиң кадыннары!
Чылдың база бир кайгамчык чараш үези частың байырлалы марттың 8 – Делегейниң херээженнер хүнү-биле Силерге изиг байырны чедирип тур бис!
Кижиде эң-не эки, буянныг болгаш ыдык чүүлдер херээжен кижиден – бистиң энерелдиг аваларывыстан, кырган-аваларывыстан, угбаларывыстан келир. Ие кижиниң эриг чымчак сеткили, ажы-төлүнге кызыгааржок ынакшылы, чагыг сөстери, чырык хүлүмзүрүү сеткиливис кезээде чылдып чоруур.
Силерниң шыдамык чорууңар, деткимчеңер, чараш-каазыңар, амыдыралчы мерген угааныңарга өөрүп четтиргенивисти илередип тур бис. Сеткиливис ханызындан быжыг кадыкшылды, аас-кежикти, амыр-тайбыңны күзедивис!
Эң-не чаагай күзээшкиннер-биле, Иштии-Хем школазының администрациязындан